SFIDAT E BIOPSISË SË VESHKËS NË KOSOVË

SFIDAT E BIOPSISË SË VESHKËS NË KOSOVË Godanci Kelmendi V, Konjufca Sh. Hyrje Biopsia e veshkës vazhdon të mbetet standardi i artë në diagnostikimin e sëmundjeve glomerulare dhe tubulointersticiale, pavarësisht zhvillimit të shpejtë të proteomikës dhe gjenomikës, të cilat kontribuojnë në zbulimin e biomarkerëve me vlerë për diagnozë të hershme molekulare. Testet gjenetike, veçanërisht në popullatën pediatrike, ofrojnë avantazh të madh duke sqaruar trashëgiminë dhe defektet kongjenitale. Megjithatë, biopsia renale mbetet e pazëvendësueshme për diferencimin e sëmundjeve aktive nga ato joaktive, për përcaktimin e fazës së sëmundjes dhe diagnostikimin e patologjive të rralla. Qëllimi Biopsia e veshkës mundëson vlerësimin e plotë të glomeruleve, tubulointerstitiumit dhe enëve të gjakut. Kombinimi i mikroskopisë me dritë, imunofluoreshencës dhe mikroskopisë elektronike siguron saktësi diagnostike deri në 95% të rasteve. Materialet dhe metoda U krye një studim prospektiv me 53 pacientë të referuar për biopsi renale për indikacione si AKI/AKD (Acute Kidney Injury/Acute Kidney Disease), proteinuri dhe hematuri. Analizuam rezultatet patologjike, korrelacionin me biomarkerët proteomikë dhe biokimikë, si dhe përgjigjen ndaj trajtimeve sipas protokolleve KDIGO. Dy raste klinike janë përzgjedhur për diskutim të detajuar. Rezultatet ? Të gjitha 53 biopsitë rezultuan me diagnozë të qartë patologjike. ? Raporti i sëmundjeve primare : sekondare glomerulare = 68% : 32%. Sëmundjet primare glomerulare – IgA nefropatia (dominuese) – Nefropatia membranoze (MN) – FSGS – MCD – MPGN – MCD-FSGS (rast mbivendosës) – 1 rast C1q nefropati – 1 rast TCMR në transplant renal Sëmundjet sekondare glomerulare – Lupus nefriti (gjetja më e shpeshtë) – MN sekondare – MGRS – TMA Dy rastet e diskutuara 1. MN + MCD/FSGS overlap – Anti-PLA2R pozitiv, trajtuar me rituximab pa remision. – Biopsia e mëvonshme: MCD në FSGS. – CyA pa efekt të plotë. – Ciklofosfamid + kortikosteroide ? remision i plotë. 2. Mashkull 20 vjeç me HTN, CKD 3a, hematuri me akantocite dhe deficit të lindur të dëgjimit. – Biopsia raportoi “MCD rezistente ndaj steroideve“. – Raporti i mikroskopisë elektronike në pritje. – Diferencial: TBMN vs sindroma Alport ? rekomanduar testim gjenetik. Konkluzione – Biopsia e veshkës ofroi diagnozë të saktë në 95 % të rasteve të referuara, duke qenë gurthemel në vendimmarrjen terapeutike. – Referimi i vonuar (në Kosovë rastet për Biopsi të Veshkës referohen jashtë vendit) dhe pritja 2–8 javë për rezultatet e plota patologjike paraqesin pengesë serioze, me ndikim negativ në rezultatet klinike. – Gjenomika mund të ofrojë diagnozë molekulare në pacientët me CKD të pashpjeguar, veçanërisht në rastet me histori familjare. – Rekomandohet formimi i një grupi pune kombëtar për inicimin dhe zhvillimin e shërbimit të nefropatologjisë në Kosovë, duke përfshirë mikroskopinë elektronike dhe integrimin e testimit gjenetik. Fjalë kyçe: Biopsia e veshkës; Nefropatologjia; Mikroskopia me dritë; Imunofluoreshenca; Mikroskopia elektronike. Vjollca Godanci - Kelmendi, MD Specialiste e Mjekesise Interne - Nefrologe Kryetare e Shoqates se Nefrologeve te Kosoves KO 02587-01-04/05 QKUK Klinika e Nefrologjise Tel. +381 38 5006003529 GSM: +383 44 168222