Shërbimi për Sëmundje Kronike

Shërbimi Shëndetësor Shtëpiak për Sëmundje Kronike RRETH NESH Qendra Kryesore e Mjekësisë Familjare (QKMF) në Prishtinë është një institucion publik parësor shëndetësor, që synon promovimin, ruajtjen dhe përmirësimin e shëndetit të popullatës. Aktivitetet tona realizohen përmes rrjetit të njësive organizative, që përfshijnë: - Qendrën Kryesore të Mjekësisë Familjare (QKMF) - 14 Qendra të Mjekësisë Familjare (QMF) - 15 Ambulanca të Mjekësisë Familjare (AMF) Shërbimet tona bazohen në konceptin e Mjekësisë Familjare, duke synuar t’u ofrojmë banorëve shërbime shëndetësore gjithëpërfshirëse dhe efikase, të bazuara në të dhëna shkencore. Mjeku familjar është portë hyrëse për të gjithë kërkuesit e shërbimeve dhe një pikë referimi për specialistët dhe konsultantët. MISIONI Përmirësimi i gjendjes shëndetësore të popullatës përmes rritjes së vazhdueshme të cilësisë dhe sigurisë së shërbimeve shëndetësore, si dhe sigurimit të kosto-efektivitetit në të gjitha njësitë organizative të QKMF-së. VIZIONI Shërbime shëndetësore cilësore dhe të sigurta në tërë territorin e komunës së Prishtinës, të mbështetura në standarde të verifikuara ndërkombëtare. Shërbimi Shëndetësor Shtëpiak për Sëmundje Kronike Institucioni i kujdesit shëndetësor në shtëpi është një strukturë mjekësore që ofron shërbime për kujdes dhe rehabilitim të pacientëve në kushte shtëpiake. Ky shërbim administrohet nga Mjekësia Familjare. Kush përfiton nga ky shërbim? - Persona me sëmundje aktive progresive. - Persona me sëmundje të rënda akute. - Persona me sëmundje kronike. - Pacientë të palëvizshëm. Procesi i shërbimit: Shërbimi shëndetësor shtëpiak caktohet pas vizitës së parë që kryhet nga mjeku në shtëpinë e pacientit. Gjatë kësaj vizite: - Mjeku vlerëson gjendjen e pacientit. - Caktohet trajtimi dhe kujdesi i mëtejshëm. Shërbimet e ofruara përfshijnë: - Edukim shëndetësor për pacientin dhe anëtarët e familjes. - Udhëzime për zbatimin e terapisë orale dhe përdorimin e leukoplasteve transdermale. - Kujdes të posaçëm për pacientët e palëvizshëm. Kërkesat për trajtim: Kërkesat për shërbim shtëpiak pranohen gjatë gjithë orarit të punës: E hënë – E diel: 07:00 - 19:00 ADRESA DHE KONTAKTI QMF XI, Rr. "Abdyl Frashëri" – Lagjja e Muhaxherëve Rr. "Abdyl Frashëri" Nr. 10, Lagjja e Muhaxherëve Nr. tel: 0800 99 99 9 Nr. tel: 038 222-375; 038 222-374